Эдүгээ ОУАЭА нь 151 гишүүнтэй бөгөөд гишүүд хоорондынхоо үйл ажиллагааг зохицуулах, зохион байгуулах зорилгоор 8 бүсэд хуваагдсан байдаг юм байна. Газар зүйн байршлаас хамааран бүлгүүдийн гишүүнчлэл янз янз байдаг байна. Бүлгүүд нь харилцан мэдээлэл солилцох, Агентлагаар хэлэлцэх асуудлаар байр сууриа зохицуулах, сонгуулийн асуудлаар ярилцаж тохирох зэрэг үүрэгтэй байдаг ажээ.

Монгол Улсын багтдаг Алс Дорнодын бүлэгт Хятад, Япон, Өмнөд Солонгос, Вьетнам, Камбож, Филиппин ордог байна. Бүлгийн дарга улс нь 1 жилийн хугацаагаар сонгогдон ажилладаг бөгөөд бүлгээ төлөөлөн Агентлагийн удирдлага болон бусад бүлэгтэй харилцаж, сонгуулийн холбогдолтой асуудлыг зохицуулдаг ажээ.